ភ្នំពេញ៖ អ្នកវិភាគតាមបណ្ដាញសង្គមដែលដាក់ឈ្មោះថា តាទុំ ហៅ សម រង្ស៉ី កំពុងព្យាយាមប្រើការភ្នាល់ដែលខ្លួនគ្មានអីសោះមកភ្នាល់។ 

តាទុំ បានសរសេរលើហ្វេសបុករបស់លោកថា៖ «រង្ស៉ីមិនត្រឹមតែអត់មានអំណាចទេថែមទាំងជាអ្នកទោសទៀតផងតែបែរជាមកបបួល ហ៊ុន សែនធ្វើច្បាប់ដើម្បីបញ្ចប់អំណាច ហ៊ុន សែន ទៅវិញ។វាមិនខុសការភ្នាល់មួយដែលមិនចាំចាច់ដាក់ដើមទុន»។

ការលើកឡើងរបស់ តាទុំ ពេលនេះគឺបន្ទាប់ពីទណ្ឌិត សម រង្ស៊ី កាលពីថ្ងៃទី៥ ខែសីហា បានផ្ញើរសារជូនពរខួបកំណើតសម្ដេចតេជោ តែបង្កប់គំនិតចង់ឲ្យសម្ដេចធ្វើច្បាប់កំណត់ពេលចូលនិវត្តន៍សម្រាប់អ្នកនយោបាយ។ 

ករណីនេះ តាទុំ បានចាត់ទុកជារឿងអស់សំណើច និងថាបុគ្គលរូបនេះអស់ក្រឡាដើរខុសនៅត្រង់ចង់យកចិត្តក្រុមយុវជនតែបែរជាកាត់សិទ្ធនយោបាយមនុស្សចាស់ដែលជាឪពុកម្តាយយុវជនទៅវិញ។

តាទុំ ថា៖ «តើអាមួយនេះវាឡប់ឬអី? ២ថ្ងៃមុន វាជេរ ហ៊ុន សែន ផងជេរ ហ៊ុន ម៉ាណែត ផង តែថ្ងៃនេះវាបែរជាជូនពរ ហ៊ុន សែន ទៅវិញ។ អ្វីដែលគួរឱ្យអស់សំណើច វាបែរជាបបួល ហ៊ុន សែនធ្វើច្បាប់មានចរិតកាត់សិទ្ធធ្វើនយោបាយសម្រាប់មនុស្សដែលមានអាយុលើសពី៧០ឆ្នាំដោយប្រើពាក្យចូលនិវត្តន៍»៕